എടത്വ: പ്രതിപക്ഷ നേതാവ് വി.ഡി. സതീശന് നയിക്കുന്ന പുതുയുഗ യാത്രയില് പങ്കെടുക്കുന്നതിന്റെ ഭാഗമായി തലവടി യുഡിഎഫിന്റെ നേത്യത്വത്തില് സ്വാഗതസംഘം രൂപീകരിച്ചു.
അഴിമതിയും, ധൂര്ത്തും നിറഞ്ഞ ഏകാധിപതിയുടെ പത്ത് വര്ഷത്തെ ദുര്ഭരണത്തില് നിന്നും കേരളത്തെ രക്ഷിക്കാന് പ്രതിപക്ഷ നേതാവ് വി.ഡി. സതീശന് നയിക്കുന്ന പുതുയുഗ യാത്രയില് തലവടി നോര്ത്ത് മണ്ഡലത്തില് നിന്നും നൂറുകണക്കിന് പ്രവര്ത്തകരെ പങ്കെടുപ്പിക്കാനാണ് യുഡിഎഫ് നേതൃയോഗത്തിന്റെ തീരുമാനം.
സ്വാഗതസംഘ രൂപീകരണ യോഗം തലവടി പഞ്ചായത്ത് പ്രസിഡന്റും കേരളാ കോണ്ഗ്രസ് (ജേക്കബ്) സംസ്ഥാന വൈസ് ചെയര്മാനുമായ ബാബു വലിയവീടന് ഉദ്ഘാടനം ചെയ്തു.
യുഡിഎഫ് ചെയര്മാന് ബിജു പാലത്തിങ്കല് അധ്യക്ഷത വഹിച്ചു. കേരളാ കോണ്ഗ്രസ് ഉന്നതാധികാരസമതി അംഗം പ്രകാശ് പനവേലി, യുഡിഎഫ് കണ്വീനര് കെ.പി. കുഞ്ഞുമോൻ, കോണ്ഗ്രസ് മണ്ഡലം പ്രസിഡന്റ് വര്ഗീസ് കോലത്തുപറമ്പിൽ, പഞ്ചായത്തംഗങ്ങളായ വി.ആര്. സിന്ധു, റെറ്റി ചെറിയാൻ, മോളമ്മ ഔസേഫ്, റീത്താമ്മ ജോസഫ്, സരിത പ്രതീപ് എന്നിവര് പ്രസംഗിച്ചു.